இருப்பதிலேயே பாவப்பட்ட மனிதர்கள் இந்த கடவுள் மறுப்பாளர்கள் தான்.
மத்தளத்திற்கு இரண்டு பக்கமும் அடி என்பது போல் இவர்களுக்கு மதவாதிகள், சாதியவாதிகள், சனாதனிகள், Just Spiritual, Cosmic Energy சீடர்கள், இறை நம்பிக்கையாளர்கள், அரை குறை நம்பிக்கையாளர்கள், கொஞ்சூண்டு நம்பிக்கையாளர்கள், Pseudo Science பேசுபவர்கள், ஆதி யோகிகள், சங்கிகள், மென்சங்கிகள், வருங்கால சங்கிகள் என எல்லா பக்கமும் அடி விழுவது ஜகஜம். எந்த பக்கமும் சேர்த்துக்கொள்ள மாட்டார்கள், எல்லா பக்கமும் விரோதம் இருக்கும், வீட்டில் கூட விழாக்களுக்கு அழைக்க மாட்டார்கள், கண்டுகொள்ள மாட்டார்கள், 24x7 கண்காணிப்பு பட்டியலிலேயே இருப்பார்கள். வேலை என்றால் இன்னும் சிறப்பு. அவர்கள் இருக்கும் இடமெல்லாம் பதற்றமான பகுதியாகவே கருதப்படும். எப்படா சிக்குவான் ஆப்பு வைக்கலாம் என்று ஒரு கூட்டமே 'கமான் கமான்' என்று காத்திருக்கும்.
பகுத்தறிவை முன்னிலைப்படுத்திய பெரியார் இருந்தபோதே இவர்களுக்கான சிறப்பு இடஒதுக்கீடு, கல்வி முன்னுரிமை, வேலைவாய்ப்புகளை உருவாக்கியிருந்தால் இவர்களுக்கான வாழ்வாதாரமும் எதிர்காலமும் உறுதியாகியிருக்கும். பகுத்தறிவுவாதமும் இன்னும் சிறந்திருக்கும். குறைந்தது, அண்ணா, கலைஞராவது முயன்றிருந்தால் இந்தியாவில், ஏன் உலகிலேயே ஒரு முன்மாதிரி முயற்சியாக இருந்திருக்கும். இவர்களுக்கும் ஒரு சமூக பாதுகாப்பு கிடைத்திருக்கும். ஆனால், தாங்கள் ஒரு Atheist / பகுத்தறிவுவாதி, கடவுள் மறுப்பாளர் என்று வெளியே சொல்லிக்கொள்ளாமலேயே வாழ்க்கை முடிந்துவிடுகிறது. காலம் முழுக்க ஒரு சீக்ரெட் ஏஜெண்ட் போலவே வாழ்கிறார்கள். பாவம்... கொஞ்சம் பேர் ஆனது ஆகட்டும் என கருப்பு சட்டை போட்டுக்கொண்டு பெரியாரியவாதி என்றாவது அறிவித்துக்கொள்கிறார்கள். எதையும் சாராத கடவுள் மறுப்பாளர்கள் தான் பாவம்.
எதாவது கடவுளுக்கு எதிராக பேசிவிட்டால் எப்போது சோத்துல வெசம் வைப்பாங்களோ என்று தினம் தினம் பயந்து பயந்து வாழும் அந்த அப்பாவி ஜீவன்களுக்கு 'உலக கடவுள் மறுப்பாளார்கள் நாள்' நல்வாழ்த்துகள் ...
God Bless You!
Comments
Post a Comment