விக்கிப்பீடியா 19 இலட்சம் வாழ்க்கை வரலாறுகளை கொண்டுள்ளது. அதில் 20% பெண்களுடையது. ஆனால், பெண்களைப் பற்றிய பல தலைப்புகள் இன்னமும் முழுமையாக தொகுக்கப்படாமல், முடிக்கப்படாமல் உள்ளன. விக்கிப்பீடியாவை முழுமையான ஒரு அறிவு சார் தளமாக கொள்ள வேண்டுமென்றால் இவை முழுமையடைய வேண்டும். பெண்கள் தினத்தை முதன்மைப்படுத்தி பாலின வேறுபாடுகளை களையவும், ஒடுக்கப்பட்ட குழுக்களை முன்னிலைப்படுத்தவும், பலரை பிரதிநிதிப்படுத்தவும் இம்முயற்சியை விக்கிப்பீடியா எடுத்துள்ளது.
இவை தொடர்பாக பல நிகழ்வுகள் உலகம் முழுக்க நடைபெற்று வந்தாலும், மெய்நிகராக மொழிபெயர்ப்பு, கட்டுரை எழுதுதல் என பங்களிக்க விரும்புகிறவர்களையும், குறிப்பாக, Content Writing - Content Editors போன்ற பணிகளில் தங்களை ஈடுபடுத்திக்கொள்ள ஆர்வமுடையவர்களையும், ஏற்கனவே என் பதிவுகளில் இத்தகைய ஆர்வத்தை வெளிப்படுத்தியவர்களையும் இதில் பங்களிக்க அழைக்கிறேன். நீங்கள் நேரடியாகவோ அல்லது எங்களுடன் இணைந்தோ தமிழ், ஆங்கிலம், இந்தி அல்லது பிரெஞ்சு விக்கிப்பீடியாவில் பங்களிக்கலாம். மொழிபெயர்ப்பு அல்லது கட்டுரைகள் மட்டும் எழுதி, தொகுத்து பங்களிக்க விரும்புகிறவர்களும் இணையலாம். அடிப்படை வழிகாட்டல்கள் வழங்கப்படும்.
முன்நிற்கும் பணிகள் :
கட்டுரைகள் உருவாக்கம்
கட்டுரைகளை மேம்படுத்துதல்
மொழிபெயர்ப்பு செய்தல்
மேற்கோள்களை மேம்படுத்துதல்
(பின்குறிப்பு : நேரமின்மை சிக்கலுள்ளவர்கள் தங்களால் இயலும்போது பங்களிக்கலாம். ஆனால், திட்டமிடுதல் மிக அவசியம். பங்களிக்க நேரமில்லை ஆனால் தெரிந்துக்கொள்ள ஆர்வமுடையவர்கள் அழைப்பில் பேசியோ அல்லது இணைப்பின் ஊடாகவோ தெரிந்துக்கொள்ளலாம். வழக்கம்போல, ‘விக்கிப்பீடியாவில் எழுதினால் காசு கொடுப்பாங்களா? எவ்வளவு சம்பாதிக்கிறீங்க?’ எனக் கேட்பவர்கள் மாற்றுப்பாதையில் செல்லவும்.)
Comments
Post a Comment